عادات سيئة تؤذي اسنانا ؟

طبعا كلنا عارفين اهمية تعليم اطفالنا ازاي يغسلو سنانهم من سن صغير .بس كتير ممكن ميكونش فكر ان فيه حاجات تانية وعادات اولادنا بيعملوها ممكن تضر اسنانهم وبننسي ننصح ونحاول نخليهم يبطلوها او يعملوها.

النهاردة دكتور سماياز هيشرح شوية حاجات بسيطة اطفالنا بيعملوها ممكن تضر اسنانهم في المستقبل

!ما هي العادات التي يجب ان نتجنبها؟ّ

-      عادة مص الاصابع  لما اسنان اطفالنا الدايمة بتطلع لو لسا بيمص صوابعه ممكن دا ياثر علي سنانه    وتكوين الفك نفسه و يعرضه لبروز في السنان العلوية او ان عضته تكون مفتوحة ويحتاج يعمل تقويم بعد كدا.

-      الحل : عامة معظم الاطفال بيتوقفو عن العادة دي عند سن معين .ولكن لو الموضوع مطول ممكن نحاول نشجع الطفل دايما انه يبقا ماسك حاجة في ايده وتبقي مشغولة علي طول. دكتور سمايلز مبيحبش ابدا اننا نقول للطفل مباشرة يشيل ايده من بقه لان دا فيه نوع من التعنيف ممكن يخلي المشكلة تتفاقم.لو كل الحلول استنفذت ممكن دكتور سمايلز يعمل جهاز بيتركب علي الاسنان بيساعد في منع الطفل من العادة السيئة.

-      اكل الحلويات والسكريات اللزجة او اللي بتلزق في السنان : كلنا عارفين اضرار السكريات علي تسوس الاسنان بس طبعا مش هنحرم نفسنا من الحاجات المسكرة والحلويات اللي بنحبها للابد ؛ لو لاحظت ان فيه حلويات بتلزق شوية علي السنان زي مثلا المشبك او التوفي وشبهها كتير. الحاجات دي مش بس بيبقا فيها سكر ممكن يؤذي الاسنان دا كمان بيخلي السكر لازق علي سطح السنة لفترة اطول حتي بعد ما نخلص اكل ودا بيطول فترة تعرض الاسنان للسكر وبيزود نشاط التسوس .

الحل :  من الاحسن نتجنب السكريات اللي بتلزق علي اد ما نقدر او علي الاقل ناكلها علي مرة واحدة ونغسل سنانا كويس بعدها .

-      بردو حاول تخلي طفلك لو بياكل اي حاجة مسكرة انه ياكلها علي مرة واحدة ويشرب ميا ويستحسن يغسل سنانه بعدها بلاش تسيبو قاعد ياكل سكريات علي مدار اليوم.

-      شرب الصودا او المشروبات الغازية: كلنا بنشرب بيبسي وكولا طبعا وكتير مننا مدمنين J المشروبات الغازية طبعا مليانة سكر بيشجع تسوس الاسنان انه ينشط والسنان تتكسر. كمان المشروبات الغازية بتضعف سطح الاسنان او بتطريه فتخلي السكر يوصل لطبقات اعمق .

 الحل : - حاول تسبدل الصودا انك تشرب ميا باردة مكانها او عصائر طبيعية افيد- العصاير الطبيعية فيها سكريات بردو بس افيد شوية للجسم عامة وكمية اقل من الصودا .

-      لو معرفتش تبدل الصودا بميا حاول تخلي طفلك يشرب المشروب كامل مرة واحدة او علي كذا مرة ورا بعض علي طول ويشرب بعدها كوباية ميا يخفف نسبة مشروب الصودا اللي باقي حوالين سنانه .

-      قضم الضوافر : فيه اطفال بتقضم ضوافرها لو متوترة ؛ قشم الضوافر بيبري او بيفرفت حرف الاسنان و ممكن ياثر علي مفصل الفك .

-      الحلول :حاول دايما تبعد طفلك عن المواقف اللي بتوتره. لو لقيتو متوتر في موقف حاول تشجعه وتطمنه وتخليه اهدي ؛ اننا نشيل التوتر او الحاجة اللي موتراه احسن من اننا نوتره اكتر باننا نعنفه يبطل قضم ضوافرو.

-      حاول دايما تخلي ايدين طفلك مشغولين بحاجة يعملها بالذات لو لاحظت توتره .

-      ساعات الاطفال بيمسكو حاجات بين سنانهم ؛ممكن قلم ممكن لعبة او اي حاجة تانية ؛بردو العادة دي بتساعد ان حرف الاسنان يتبرا او يتنحل وممكن يتكسر :

-الحل:      ممكن تحاول تتابعه دايما وتنصحه بهدوء انه يمسك الحاجة بايده .